რუსთავი-თბილისის მიმართულებით სამარშრუტო ტაქსით მგზავრობა პირველ თებერვლამდე ისევ 1.50 ლარი ეღირება.
სამარშრუტო ტაქსების მძღოლები და ტრანსპორტის პროფკავშირების წარმომადგენლი სთავაზობენ რუსთავის მერიას, შეიქმნას სპეციალური კომისია, რომელშიც მძღოლები, ტრანსპორტის პროფესიული კავშირისა და არასამთავრობო ორგანიზაციების, ასევე ლევან სამხარაულის სახელობის ექსპერტიზის ეროვნული ბიუროს წარმომადგენლები შევლენ. მათი თქმით, სწორედ ექსპერტიზის ბიურომ უნდა დაადგინოს რუსთავი-თბილისის მიმართულებაზე მგზავრობის რეალური ფასი და ისინი დასკვნის მიხედვით იმოქმედებენ.
მათივე თქმით, იმ შემთხვევაში, თუ მერია შეთავაზებას არ დათანხმდა, აქციების გამართვას გეგმავენ.
შეგახსენებთ, 29 დეკემბერს რუსთავი-თბილისის მიმართულებაზე სამარშრუტო ტაქსით მგზავრობა 2 ლარამდე გაიზარდა. მგზავრობის ფასის გაძვირებას აქციები მოჰყვა.
