00:00 საათიდან 07:00 საათამდე მელიქიშვილის გამზირი გადაიკეტება.
თბილისის მერიის ინფორმაციით, გამზირის გადაკეტვა საახალწლო განათებების მონტაჟს უკავშირდება.
"დედაქალაქში საახალწლო განათებების მონტაჟი გრძელდება. აღნიშნული სამუშაოებიდან გამომდინარე, მელიქიშვილის გამზირი, ამაღამ 00:00 საათიდან 21 დეკემბრის 07:00 საათამდე გადაიკეტება.
სამუშაოებს „თბილსერვის ჯგუფი“ ახორციელებს.
თბილისის მერია ბოდიშს გიხდით შეფერხებისთვის", - ნათქვამია მერიის მიერ გავრცელებულ ინფორმაციაში.
