ქვემო სამგორში, ზემო მეტალურგიულის ქუჩაზე, გზის კაპიტალური რეაბილიტაცია დასრულდა. 5 400 კვ.მ ფართობზე ასფალტის ორფენიანი საფარი დაიგო, 500 კვ.მ-ზე კი, ტროტუარი მოეწყო.
სამუშაოების ფარგლებში, მოწესრიგდა ბორდიურიც. პროექტის განსახორციელებლად გამგეობის ბიუჯეტიდან 260 000 ლარი დაიხარჯა.
აღნიშნულ ტერიტორიაზე საგზაო სამუშაოების დაწყებამდე, რეაბილიტაცია საკომუნიკაციო ჭებს ჩაუტარდა. გასულ წელს კი, წყალმომარაგების სისტემა სრულად გამოიცვალა.
ზემო მეტალურგიულის ქუჩაზე საგზაო სამუშაოები ათეულობით წლის განმავლობაში არ შესრულებულა.
სარეაბილიტაციო სამუშაოები ტენდერში გამარჯვებულმა კომპანია „არსაკიძე 2000“-მა აწარმოა. დასრულებულ პროექტს სამგორის რაიონის გამგებელი კახა გულედანი გაეცნო.
