თბილისში, ერეკლე მეორეს სასახლეში პრეზიდენტის ინაუგურაციისთვის საჭირო ბოლო დეტალები სრულდება.
ინაუგურაცია 15:00 საათზე დაიწყება და 40 წუთის განმავლობაში გაგრძელდება.
როგორც ცნობილია, ბატონის სასახლეში ჯერ გიორგი მარგველაშვილი, შემდეგ კი, სალომე ზურაბიშვილი შევა.
საკონსტიტუციო სასამართლოს თავმჯდომარე ბიბლიაზე დადებს კონსტიტუციას, პრეზიდენტი სწორედ ბიბლიასა და კონსტიტუციაზე დაიფიცებს და სწორედ ამ ცერემონიის შემდეგ შევა ძალაში ახალი კონსტიტუცია.
ინაუგურაციაზე 1 800-მდე სტუმარია მოწვეული.
