დედაქალაქში საახალწლო განათებების მონტაჟი გრძელდება.
თბილისის მერიის ინფორმაციით, აღნიშნული სამუშაოებიდან გამომდინარე, რუსთაველის გამზირი, პირველი რესპუბლიკის მოედნიდან - თავისუფლების მოედნამდე, ამაღამ 00:00 საათიდან 15 დეკემბრის 07:00 საათამდე გადაიკეტება.
მათივე ცნობით, სამუშაოებს „თბილსერვის ჯგუფი“ ახორციელებს.
თბილისის მერია მოქალაქეებს შეფერხებისთვის ბოდიშს უხდის.
