რაჯ კაპურის დღეს 94 წელი შეუსრულდებოდა. ცნობილი ინდოელი მსახიობი, პროდიუსერი და რეჟისორი რანბირ რაჯ კაპური 1924 წლის 14 დეკემბერს დაიბადა. ის ცნობილია, როგორც „ინდური კინოს უდიდესი შოუმენი“ და მიიჩნევა ინდური კინოს ერთ-ერთ უდიდეს და გავლენიან მსახიობად და რეჟისორად. მას აგრეთვე ინდური კინოს კლარკ გეიბლის სახელით მოიხსენებენ.
კაპურმა პირველი როლი 1935 წელს შეასრულა. 1940-იან წლებში რამდენიმე როლის შესრულების შემდეგ მან 1948-ში საკუთარი კინოსტუდია დააარსა - R.K. Films. მისი ფილმები ძირითადად კომედიური და მელოდრამატული ჟანრის იყო.
რაჯ კაპურის 1951 წელს ჩარლი ჩაპლინის სტილში გადაღებულმა ფილმმა „მაწანწალა“ მთელ მსოფლიოში წარმატება მოიპოვა. Time-მა ამ როლის შესრულებას უწოდა ყველა დროის ერთ-ერთი უდიდესი.
იმის გამო, რომ მამამისი სულ მოგზაურობაში იყო რაჯს სწავლა მოუწია სხვადასხვა ადგილებში: პეშავარში, კალკუტაში და ბომბეიში. 6 წლის რაჯი დედამისთან ერთად ტოვებს პეშავარს და მოემართება ბომბეისაკენ, სადაც უკვე მამამისს პრიტჰვირაჯ კაპურის საკუთარი თეატრი ჰქონდა დაარსებული. რაჯი პირველად პატარა როლში 1935 წელს გადაიღეს, ხოლო 1943 იდან იწყება მისი კინოში აღმასვლა. 1947 წელს დააარსა საკუთარი კინოსტუდია R.K.Films. გადაიღო 11 ფილმი როგორც რეჟისორმა. გადაღებულია 67 ფილმში. პროდიუსერია 17 ფილმისა როგორც საკუთარ სტუდიაში ისე სხვისი ფილმებისა. გარდაიცვალა გულის შეტევით, ასევე ჰქონდა თირკმელების შეჩერება და ასთმა.
რაჯ კაპურის მეუღლეა კრიშნა მალჰოტრა ნატჰი. კრიშნა და მისი მამამთილი ერთმანეთის ბიძაშვილ-მამიდაშვილები არიან, ანუ კრიშნა პრიტჰვირაჯის დედის ძმის შვილია. კრიშნას მამას რევას 14 შვილი ჰყავდა სამი ცოლისაგან. მათ შორისაა მსახიობები პრემ ნატჰი, ნარენდრა ნატჰი და რაჯენდრა ნატჰი. ფაქტია რომ კრიშნა რაჯის დეიდა იყო, შემდეგ კი ცოლი. როცა დაქორწინდნენ ის 16 წლისა იყო, ხოლო რაჯი 22-ის, ეს მოხდა 1946 წელს როცა რაჯი პოპულარობის მწვერვალზე იყო. კრიშნა მხოლოდდამხოლოდ დიასახლისობით იყო დაკავებული, სტუმრების მიღება-გასტუმრებით და შვილების აღზრდით. რაჯ კაპურის შვილებია: 1) რანდჰირ კაპური(დ.1947). მსახიობი. მეუღლე მსახიობი ბაბიტა. შვილები მსახიობები კარიშმა და კარინა კაპური. 2) რიტუ (დ. 1948) ქმარი ვინმე რაჯან ნანდა (დაქორწინდნენ 1969 წელს). შვილები ნიტაშა და ნიხილი (ნიხილმა 1996 წელს ცოლად შეირთო მსახიობ ამიტაბ ბაჩანის ქალიშვილი შვეტა. ყავთ შვილი ნაველი ნანდა (დ. 1997). 3) რიში კაპური (დ.1952) მსახიობი. მეუღლე მსახიობი ნიტუ სინგჰი. 4) რიმა (დ. 1956)გათხოვილია ვინმე მანოჯ ჯაინზე. შვილები შაში და კოშუ.5) რაჯივი (დ. 1962). მსახიობი.
რაჯ კაპურის ძმებია მსახიობები შამი კაპური და შაში კაპური.
რაჯ კაპურის როგორც მსახიობური, ასევე რეჟისორული მოღვაწეობის, შეიძლება ითქვას განსაკუთრებით ნაყოფიერი წლები პირდაპირაა დაკავშირებული მსახიობ ნარგიზ დათისთან. 1947 წლიდან, მათი გაცნობის დღიდანვე ბედისწერის მიერ განკუთვნილნი იყვნენ დაეწერათ ინდური კინოს ისტორიაში ახალი ლამაზი ფურცელი. ნარგიზ დათი18 წლის იყო, ხოლო რაჯ კაპური 23-ის. რაჯ კაპურმა მათი გაცნობა და პირველი შეხვედრა უკვდავყო ფილმში ბობბი “bobbi” 1973, როცა ბობბი (დიმპლ კაპადია) კარებს უღებს რაჯს (რიში კაპური) და ნერვიულობისაგან ცომიან ხელს თმებზე იწმინდავს. რაჯ კაპური 1946 წლიდან დაქორწინებული იყო მამის ბიძაშვილზე კრიშნა მალჰოტრა ნატჰიზე, მათი დანიშვნა ოჯახების მიერ იყო შეთანხმებული 1940 წლიდან. რაჯ კაპურსა და ნარგიზ დათის ერთად გადაღებული აქვთ 16 ფილმი:
