ბათუმის შემოერთებულ ტერიტორიებზე ინფრასტრუქტურული სამუშაოები გრძელდება.
დასასრულს უახლოვდება თამარ მეფის პირველი შესახვევის კეთილმოწყობა, სადაც უკვე მოეწყო საყრდენი კედელი, სანიაღვრე არხი და 212 გრძივ მეტრზე დაიგო ასფალტის საფარი.
გარდა ამისა, ხელშეკრულების ფარგლებში გათვალისწინებულია ისრაფილ ჯინჭარაძის ქუჩის მონაკვეთის კეთილმოწყობა და გაზაფხულის ქუჩაზე საყრდენი კედლის, სანიაღვრე არხისა და გარე განათების ბოძების მონტაჟი.
კეთილმოწყობითი სამუშაოები მიმდინარე წლის ოქტომბერში დაიწყო და წლის ბოლომდე დასრულდება.
სამუშაოების ღირებულება 399 ათასამდე ლარს შეადგენს.
