თბილისში, საქართველოს უროლოგთა ასოციაციისა და ევროპის უროლოგიის სკოლის ერთობლივი, კონგრესი გაიმართა. კონფერენციის მიზანია უროლოგიური დაავადებების მართვის თანამედროვე, ევროპული პრინციპების გაცნობა ქართველი უროლოგებისათვის, ამდენად იგი საგანმანათლებლო მნიშვნელობას ატარებს ქართველი ექიმებისათვის.
კონგრესის ძირითადი თემატიკა მამაკაცის ჯანმრთელობასა და ონკოუროლოგიას დაეთმო. ღონისძიება უპრეცენდენტო ინტრა და ინტერინსტიტუციონალური თანამშრომლობით გამოირჩეოდა. მასში მონაწილეობას იღებდნენ საქართველოში მოღვაწე რამოდენიმე პროფილის სპეციალისტები, 20 დიდი სამედიცინო დაწესებულებებიდან: უროლოგები, ვენეროლოგები, სექსოლოგები, ანდროლოგები, ონკოლოგები, რადიაციული ონკოლოგები და რადიოლოგები. ამავე ღონისძების ფარგლებში წარიმართა ევროპის უროლოგიის სკოლის სესიაც
პირველად, ქართული უროლოგიის ისტორიაში, ღონისძიების პროგრამაში ჩართული იყო ექთნების სესია და უროლოგიაში მოღვაწე ექთნები სამეცნიერო-პრაქტიკული მოხსენებებით წარსდგნენ დარგის აქტუალური პრობლემების შესახებ.
ღონისძიებას ქართველ კოლეგებთან ერთად ევროპის უროლოგთა ასოციაციის ეგიდით მოწვეულები მსოფლიო დონის ექსპერტებიც ესწრებოდნენ 12 სხვადასხვა ქვეყნიდან.
