ტაქსების სანებართვო პროცედურები დღეიდან მხოლოდ მუნიციპალური მომსახურების ცენტრებში იწარმოებს, - ამის შესახებ თბილისის მერიის მიერ გავრცელებულ განცხადებაშია აღნიშნული.
მათი ცნობით, ტაქსების რეგისტრაციის პროცესში იუსტიციის სახლი აღარ იქნება ჩართული.
"ტაქსების სანებართვო პროცედურები დღეიდან მხოლოდ მუნიციპალური მომსახურების ცენტრებში, დედაქალაქის მასშტაბით 11 ადგილზე იწარმოებს. ტაქსების რეგისტრაციის პროცესში იუსტიციის სახლი აღარ იქნება ჩართული. რეგისტრაცია, ასევე, შესაძლებელია ელექტრონულად ვებგვერდზე taxi.tbilisi.gov.ge
ამჟამად დედაქალაქის მასშტაბით რეგისტრირებულია 23 000-მდე ტაქსი. რეგისტრაცია მიმდინარე წლის აგვისტოდან დაიწყო", - ნათქვამია განცხადებაში.
