საქართველოს სახალხო დამცველი ნინო ლომჯარია "ნაციონალური მოძრაობის" წევრის ნიკა რურუას გარდაცვალების ფაქტს ეხმიანება.
როგორც ლომჯარია სოციალურ ქსელში წერს, ყველა, ვინც საჯარო ცხოვრებაშია ჩართული, ამდენი დაპირისპირებისა და სტრესის ქვეშ, გული ხელით უჭირავს.
"ძალიან სამწუხარო ამბავია. ძალიან დამწყდა გული. არ შეიძლება ასეთი ურთიერთთავდასხმების და პოლარიზების რეჟიმში ცხოვრება, წარმოუდგენელია, ვერ გავუძლებთ... იქნებ ყველა დაფიქრდეს ამაზე, სანამ ერთმანეთს გავიმეტებთ, თუნდაც სიტყვებით, რომ შეიძლება ვინმეს გული გაუსკდეს... ჩემ გარშემო ყველა ასეა, ვინც საჯარო ცხოვრებაშია ჩართული, "იმ ბანაკში", "ამ ბანაკში" თუ "შუაში", გული ხელით გვიჭირავს ხშირად ამდენი დაპირისპირების, დაძაბულობის, სტრესის ქვეშ", - წერს ლომჯარია.
ცნობისთვის, ნიკა რურუა გარდაცვლილი საკუთარ სახლში დღეს იპოვეს. მისი გარდაცვალების მიზეზი ჯერჯერობით, უცნობია.
