- საზოგადოება 01 დეკემბერი 2018, 15:38
ახალი ამბების სააგენტო GHN შიდსის თემების პროფესიული გაშუქებისთვის დააჯილდოვეს
ინფექციური პათოლოგიის, შიდსის და კლინიკური იმუნოლოოგის სამეცნიერო-პრაქტიკულმა ცენტმა აივ/შიდსის თემების პროფესიული და ობიექტური გაშუქებისთვის ახალი ამბების სააგენტო GHN დააჯილდოვა. კონფერენციაზე დააჯილდოვეს სხვა მედიასაშუელებებიც.
თბილისში, ქართული სახვითი ხელოვნების მუზეუმის საკონფერენციო დარბაზში, ინფექციური პათოლოგიის, შიდსის და კლინიკური იმუნოლოგიის ცენტრის და საქართველოს შიდსის ასოციაციის ორგანიზებით შიდსის მსოფლიო დღისადმი მიძღვნილი კონფერენცია გაიმართა.
კონფერენციაზე განიხილეს ქვეყანაში არსებული მდგომარეობა, ტენდენციები და შიდსის ეპიდემიის დასრულების სამოქმედო ინიციატივა.
კონფერენციის მონაწილეებმა მთავრობისადმი მიმართვა მიიღეს. ისინი აივ/შიდსის სტრატეგიაში გაწერილი ღონისძიებების შესასრულებლად მთავრობისგან ქმედითი ღონისძიებების გატარებას ითხოვენ. მიმართვას ხელი მედიკოსებმა და საზოგადოების წარმომადგენელმა მოაწერეს.
ავტორი: . .
