ოჯახის წევრების ინფორმაციით, მათთვის ცნობილი გახდა, რომ ზაზა სარალიძეს დღეს საავადმყოფოში დატოვებენ, თუმცა მათივე ცნობით, ის წამლების მიღებაზე უარს ამბობს.
ზაზა სარალიძის დედის განცხადებით, მათ სარალიძესთან შესვლა სცადეს, თუმცა, ამის საშუალება არ მისცეს.
„არ შეგვიშვეს ოჯახის წევრები და არც ადვოკატი, არის გაძლიერებული დაცვა. ექიმი იყო გამოსული, 400 აქვსო შაქარი. შაქრის დამწევი წამლების მიღებაზე უარს აცხადებს, სავარაუდოდ, პროტესტის გამო”,- განაცხადა მარინა ბეგაძემ.
ცნობისთვის, შინაგან საქმეთა სამინისტროს ინფორმაციით, ჯოხით შეიარაღებული ზაზა სარალიძე თავს დაესხა პოლიციის თანამშრომლებს, რომლებიც სამსახურებრივ მოვალეობას ასრულებდნენ.
უწყების ცნობით, საპატრულო პოლიციის თანამშრომლებმა ზაზა სარალიძე საქართველოს სისხლის სამართლის კოდექსის 353-ე პრიმა მუხლით პოლიციელზე თავდასხმისთვის დააკავეს.
ბრალის დამტკიცების შემთხვევაში, ზაზა სარალიძეს 4-დან 7 წლამდე პატიმრობა ემუქრება.
ზაზა სარალიძემ ამ დროისთვის საავადმყოფოში იმყოფება.
