საქართველოს ყოფილმა პრემიერ-მინისტრმა, „ქართული ოცნების“ თავმჯდომარე ბიძინა ივანიშვილმა გორში მოკლული გოგონას ოჯახს სამძიმარი გამოუცხადა.
ბიძინა ივანიშვილმა ჟურნალისტებთან შეხვედრა ამ თემაზე საუბრით დაიწყო.
„გუშინ დიდი ტრაგედია დატრიალდა. ვერც ერთი ადამიანი ვერ დარჩებოდა გულგრილი. შეძრულია მთელი საქართველო. სამძიმარი გამოვუცხადოთ მშობლებსა და ახლობლებს. როგორც პოლიციაში განაცხადეს, დააკავეს ეჭვმიტანილი მკვლელი“, – განაცხადა ბიძინა ივანიშვილი.
ცნობისთვის, გორში, 9 წლის გოგონას მკვლელობაში ბრალდებული 1984 წელს დაბადებული, წარსულში ნასამართლევი მამაკაცია.
შსს-ს ინფორმაციით, გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ ქვეპუნქტით მიმდინარეობს.
