ტელეკომპანია “იბერიის” გარშემო განვითარებული მოვლენების შესახებ ინფორმაციას ტელევიზიის თანამშრომლები სამოქალაქო სექტორს მიაწვდიან. არასამთავრობო ორგანიზაციები იმ აუდიო მასალასაც გაეცნობიან, სადაც საუბარი შეეხება ტელევიზიის დათმობას. ჟურნალისტები საქმის ობიექტურ გამოძიებას ითხოვენ და სამოქალაქო სექტორს თავისუფალი მედიის დაცვისკენ მოუწოდებენ.
„უნდა მივაწოდოთ არხზე შექმნილი ურთულესი მდგომარეობის შესახებ ინფორმაცია. ამ ეტაპისთვის ისევ ხორციელდება ხელისუფლების მხრიდან დარტყმა ტელეკომპანია „იბერიას“ მისამართით. ჩვენ ყველაფერს ვაკეთებთ ჟურნალისტები, რომ მოვახერხოთ მაუწყებლობა და არ გავაჩეროთ ჩვენი მაუწყებლობა. ხელისუფლების გარდა ამ ქვეყანაში ყველამ გაიგო რა მდგომარეობაშიც არის ტელეკომპანია „იბერია. ეს მოხდა იმის გამო, რომ „ომეგა ჯგუფი" არ გაურიგდა ხელისუფლებას, არ მისცა ტელეკომპანია,“-განაცხადა იბერიას საინფორმაციო სამსახურის უფროსმა ვახო ხუზმიაშვილმა.
