აჭარის მთავრობის თავმჯდომარე თორნიკე რიჟვაძე შუახევის მუნიციპალიტეტში ტრადიციულ სახალხო დღესასწაულს „ჯვარიმინდორობას“ დაესწრო. ღონისძიებას აჭარის უმაღლესი საბჭოს თავმჯდომარე დავით გაბაიძე, აღმასრულებელი და საკანონმდებლო ხელისუფლების წარმომადგენლები, საზოგადო მოღვაწეები და შუახევის საპატიო მოქალაქეები დაესწრნენ.
აჭარა-გურიის ალპური ზონის ისტორიულ გზაგასაყარზე, თაგინურის მიმდებარე ტერიტორიაზე დღესასწაული მეშვიდედ გაიმარათა.
ფესტივალი ,,საზოგადოება ჭვანელი“-ს ინიციატივითა და მუნიციპალიტეტის მხარდაჭერით 2012 წელს დაფუძნდა. ფესტივალის მიზანი ადგილობრივი კულტურის, ფოლკლორის და სამთო ტურიზმის პოპულარიზაციაა.
ღონისძიებაზე ხელნაკეთი ნივთების გამოფენა - გაყიდვა და ფოლკლორული ნიმუშები იყო წარმოდგენილი.
ფოლკლორულ ფესტივალს სახელი ამ ტერიტორიაზე დაბრძანებული ჯვრის გამო ეწოდა.ჯვრის პატივსაცემად ტერიტორიას ,,ჯვარი მინდორი” ჯერ კიდევ შორეულ წარსულში შეარქვეს.
