„საერთაშორისო გამჭვირვალობა-საქართველოს" კვლევის თანახმად, „ქართული ოცნების” ხელისუფლებაში მოსვლის შემდეგ, 2013 წლიდან 2017 წლის ოქტომბრის ჩათვლით, საჯარო უწყებებში პიარ აქტივობებსა და რეკლამაში დახარჯულ თანხებს ეხება. კვლევის თანახმად ამ პერიოდში სულ დახარჯულია 98 მილიონ 480 ათას ლარზე მეტი.
მათივე ცნობით, ჯამში, პიარის სამსახურებში დასაქმებულთა ხელფასებში, რეკლამასა და სხვადასხვა პიარაქტივობებში 159 მილიონ 730 ათას ლარზე მეტი დაიხარჯა. როგორც ორგანიზაციის კვლევაშია აღნიშნული, პიარაქტივობებისა და სარეკლამო ხარჯის მხრივ დიდი წილი საჯარო სამართლის იურიდიულ პირებზე („ტურიზმის ეროვნული ადმინისტრაცია”, „ღვინის ეროვნული სააგენტო” და „აწარმოე საქართველოში”) მოდის.
„საერთაშორისო გამჭვირვალობა - საქართველოს“ კვლევაში ცალკე პუნქტად მოხვდა მთავრობის ადმინისტრაცია. ორგანიზაციის ცნობით, 2013-2017 წლებში თანხა 12 მილიონ ლარზე მეტია, რაც ამ პერიოდში მთელი საქართველოს მასშტაბით 122 საჯარო უწყების მიერ პიარსამსახურში დასაქმებულთა ანაზღაურებისთვის დახარჯული თანხის, 61 მილიონ 250 ათასი ლარის, დაახლოებით 20%-ს შეადგენს.
