დღეს ტოტო კუტუნიოს დღეს 75 წელი შეუსრულდა. იტალიელი პოპ-მომღერალი და კომპოზიტორი სალვატორე „ტოტო“ კუტუნიო 1943 წლის 7 ივლისს დაიბადა. მისი დაბადებიდან სულ მალე, ოჯახი საცხოვრებლად ქალაქ სპეციაში გადავიდა. კარიერა დაიწყო როგორც დრამერმა, თუმცა მალევე ჩამოაყალიბა ჯგუფი, რომელიც მის სიმღერებს ასრულებდა. ასევე წერდა სიმღერებს პოპულარულ ამერიკელ-ფრანგ მომღერალ ჯო დასენისთვის, მათ შორისაა მისი ყველაზე ცნობილი სიმღერები "L'été indien", "Et si tu n'existais pas", "Le Jardin du Luxembourg". კუტუნიომ დაწერა ასევე დალიდას "Laissez moi danser", რომელიც გამოსვლიდან სულ მალე პლატინის ჩანაწერი გახდა.

1976 წელს კუტუნიომ მონაწილეობა მიიღო სან-რემოს მუსიკალურ ფესტივალში, სადაც თავის ჯგუფ „ალბატროსთან“ ერთად მესამე ადგილი დაიკავა სიმღერით Volo 504.

1990 წელს მოიგო ევროვიზიის სიმღერის კონკურსი საკუთარი კომპოზიციით "Insieme: 1992"; შესაბამისად, 1991 წლის კონკურსი რომში გაიმართა, რომელსაც ტოტო და ევროვიზიის სხვა ერთადერთი გამარჯვებული იტალიიდან (1964) — ჯილიოლა ჩინკუეტი უძღვებოდნენ.

კუტუნიო მთელ მსოფლიოში ცნობილი გახდა თავის ჰიტით "L'Italiano (Lasciatemi Cantare)", რომელიც შესულია ალბომში "I Grandi Successi".