7 ივლისს, თელავში, ნადიკვრის პარკში, 16:00 საათზე Studentjob.ge -ისა და HR hub-ის ორგანიზებით დასაქმების ფესტივალი ,,თელავი ჯობს“ ჩატარდება. ახალგაზრდების დასაქმების რეგიონული პროექტი საქართველოს უნივერსიტეტის, კრედო ბანკის, ფერმერთა ასოციაციისა და თელავის მუნიციპალიტეტის მერიის მხარდაჭერით ტარდება.
ღონისძიება მიზნად ისახავს სამსახურის მაძიებლებისა და დამსაქმებლების დაკავშირებასა და დასაქმების ხელშეწყობას.
ნადიკვრის პარკში, ღია ცის ქვეშ, წარმოდგენილი იქნებიან კომპანიები სხვადასხვა ვაკანსიით/სტაჟირებით. გარდა ამისა, მოეწყობა წარმატების კუთხე, რომლის წარმდგენია ჟურნალი Entrepreneur Georgia. აქ მოხდება წარმატებული ადამიანების გამოსვლები კარიერულ ზრდაზე, მოტივაციასა და სხვა მნიშვნელოვან თემებზე.
,,თელავი ჯობსის” ფარგლებში გაიმართება ადგილობრივი სტარტაპების გამოფენა-გაყიდვა.
ღონისძიება გაგრძელდება 20:00 საათამდე და დასრულდება კონცერტით.
