„ხორავას ქუჩის“ საქმის საგამოძიებო კომისია ხვალ საქმის უშუალო გამომძიებელს, ირაკლი ფიფიას, მოუსმენს, არასამთავრობო ორგანიზაციების წარმომადგენლებს და სახალხო დამცველს შეხვდებიან და კომისიის თავმჯდომარის, სერგი კაპანაძის, რეკომენდაციებზე იმსჯელებენ. ამის შესახებ სერგი კაპანაძემ დღეს ჟურნალისტებთან განაცხადა.
როგორც სერგი კაპანაძემ განაცხადა, შეგროვდა საკმარისი რაოდენობა გარემოებებისა, რომელიც მიუთითებს, რომ საქმის ერთ-ერთი ფიგურანტის, მიხეილ კალანდიას, მიმართ შესაძლოა, დაწყებული იყოს სისხლის სამართლებრივი დევნა, დავით სარალიძის მკვლელობაში თანამონაწილეობის მუხლით.
მისივე თქმით, ცალკე უნდა გამოიყოს საქმე, კონფლიქტში მონაწილე კიდევ ერთი პირის - გ.მ.-ს დაჭრის ფაქტზე.
