მომღერალმა ნინო ჩხეიძემ ახალი სიმღერა ჩაწერა. მან ცნობილი სიმღერა "გელინოს" საკუთარი ინტეპრეტაცია შექმნა, თუმცა ახლებურად აჟღერებული მელოდია განსხვავებულია როგორც თავად სიმღერის პირველი ვარიანტისგან, ასევე ნინო ჩხეიძის შემოქმედებისგან. როგორც მომღერალმა ჟურნალისტთან საუბარში განაცხადა, "გელინოს" პრემიერა ამ დრომდე ქვეყანაში მიმდინარე აქციების გამო ვერ შედგა და სწორედ მაშინ გაჩნდა იდეა, რომ მელოდიაში სხვადასხვა დროის პოლიტიკური რეჩიტატივები გამოეყენებინათ.
