ეს დღეებია გაისმის რომ თითქოს, რომელიმე პოლიტიკურ პარტიას მივყიდე ჩემი შვილის სული, არ დავუშვებ ამას! მე მოვუწოდებ ქართველ ხალხს და არა პოლიტიკურ პარტიებს! ქართველებო, დამიდექით გვედრით, რათა ამ უსამართლო ქვეყანაში სამართლიანობას მივაღწიოთ, - ამ სიტყვებით მიმართა აქციის მონაწილეებს ზაზა სარალიძემ.
როგორც ის განმარტავს, მის უკან არცერთი პოლიტიკური ძალა არ დგას.
„ინფორმცია მაქვს თითქოს, თბილისის სხვადასხვა უბნებში აქციები ტარდება და აქ არ მოდიან, იქიდან გამომდინარე, თითქოს, აქ ვიღაც-ვიღაც პოლიტიკოსები არიან! მე ჩემი შვილის სულს არასდროს არავის მივყიდი! ჩემი შვილის სული არ იყიდება!
ნუ ცდილობს მთავრობა და ნუ ცდილობს სუს-ი ეს ტრაგედია პოლიტიკასთან გააგივოს. ნუ მესმის მსგავსი რეპლიკები, რომ პოლიტიკა დგას ჩემს უკან! არა და არც არადროს იქნება პოლიტიკა ჩემს უკან!
დღეს ისევ ცდილობს სისტემა რომ მომატყუოს. გახარიას 2 თვის წინ ვემუდარებოდი მომისმინე-მეთქი, დღესაც არ მაქვს მისგან გამოხმაურება. ვენდო მე მათ? დღეს სისტემა უნდა დაინგრეს აუცილებლად! ჩემი შვილების მკვლელების სისტემა უნდა დაინგრეს! „, - აცხადებს სარალიძე.
