„საერთაშორისო გამჭვირვალობა - საქართველომ“ დღეს საზოგადოებრივი აზრის გამოკითხვის შედეგები გამოაქვეყნა.
კვლევის მიხედვით, გამოკითხულთა უმრავლესობას – 72%–ს მიაჩნია, რომ მსუბუქი ნარკოტიკების მოხმარების გამო მოქალაქეებმა არ უნდა მოიხადონ ციხის სასჯელი. 25% ფიქრობს, რომ ციხის სასჯელი უნდა იყოს.
56% მიიჩნევს, რომ კლუბური ნარკოტიკის მოხმარებისთვის არ უნდა იყოს ციხის სასჯელი გათვალისწინებული. 36% ფიქრობს, რომ ციხის სასჯელი უნდა იყოს.
რაც შეეხება ინტრავენული ნარკოტიკების მოხმარებას - 43% მიიჩნევს, რომ ამის გამო არ უნდა იყოს ციხის საჯელი, 53% ფიქრობს, რომ ინტრავენული ნარკოტიკების მოხმარების გამო ციხის სასჯელი უნდა იყოს დაწესებული.
კვლევა „საერთაშორისო გამჭვირვალობა - საქართველოს“ დაკვეთით „კავკასიის კვლევითი რესურსების ცენტრმა“ განახორციელა.
კვლევის ფარგლებში, რომელიც 2018 წლის 3-28 მარტის პერიოდში ჩატარდა, მთელი საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.
