უკრაინის რადამ ანტიკორუფციული სასამართლოს შექმნის შესახებ კანონპროექტი დაამტკიცა.
კანოპროექტს პირველ მოსმენაზე დღეს, 282-მა დეპუტატმა დაუჭირა მხარი.
კენჭისყრამდე პარლამენტის სპიკერმა, ანდრეი პარუბიმ მოუწოდა დეპუტატებს მხარი დაეჭირათ კანონპროექტისთვის და დასძინა, რომ მისი ტექსტის შეცვლა შესაძლებელი იქნება მეორე და საბოლოო მოსმენამდე.
ევროკავშირის ლიდერები და საერთაშორისო სავალუტო ფონდი უკრაინისგან ითხოვენ ანტიკორუფციული რეფორმების გატარებას. საერთაშორისო გამჭვირვალობის მიერ შარშან შედგენილ სიაში უკრაინა 180 ქვეყნიდან 130-ე ადგილზე იყო.
