რუსეთის პრეზიდენტი ვალდიმერ პუტინი მიიჩნევს, რომ რუსეთის მთავარი მტერი ჩამორჩენილობაა. მან ყურადღება მსოფლიოს ცივილიზაციის ცვილებებზე გაამახვილა და რუსეთში ამ ცივილიზაციის დაგვიანება დამპყრობლებზე საშიშ მოვლენას შეადარა.
ფედერალური საბჭოსადმი მიმართვაში პუტინმა აღნიშნა, რომ ჩამორჩენა განვითარდება, თუ რაიმე ზომები არ იქნება მიღებული. მისი თქმით, რუსეთმა უნდა შექმნას განვითარების დინამიკა, რათა მისი ზრდა ვერაფერმა შეაფერხოს.
„ყველაფერი ის უნდა მოვიშოროთ, რაც ჩვენს წინსვლას და განვითარებას ამუხრუჭებს. თუ ამას არ ვიზამთ, ჩვენს შვილებს, ჩვენს ქვეყანას მომავალი არ ექნება. ჩვენ განვითარების ისეთი დინამიკა უნდა ვუზრუნველყოთ, რომ არც ერთმა დაბრკოლებამ ხელი არ შეგვიშალოს დამოუკიდებლად წინსვლაში. ჩვენ თვითონ უნდა განვსაზღვროთ ჩვენი მომავალი“, - აღნიშნა ვლადიმერ პუტინმა.
პუტინის განცხადებით, ტექნიკური ჩამორჩენილობა ქვეყანაში გააქრობს ადამიანურ პოტენციალს. მისივე თქმით, რუსეთიდან მოხდება ნიჭიერი ახალგაზრდების გადინება და ქვეყანა სიცოცხლისუუნარო გახდება.
