ამერიკელები აპირებენ უპირატესობა მოიპოვონ ახალ სადაო ტერიტორიაზე. აშშ-ს შეიარაღებული ძალები საბრძოლო მოქმედებებს კოსმოსურ სივრცეში სულ რაღაც რამდენიმე წელიწადში დაიწყებენ. ასეთი განცხადება ამერიკული საბრძოლო-საჰაერო ძალების შტაბის უფროსმა, დევიდ გოლდფეინმა ფლორიდაში სიტყვით გამოსვლისას გააკეთა.
„მე მიმაჩნია, რომ სულ რამდენიმე წელიწადში, ჩვენ შევძლებთ იერიშის მიტანას უკვე კოსმოსიდან და რომ ჩვენ ვართ ის მებრძოლები, რომლებმაც უნდა უხელმძღვანელონ საერთი საბრძოლო მოქმედებებს ამ ახალ სადაო ტერიტორიაზე. ეს არის ის რასაც ქვეყანა მოითხოვს“ - განაცხადა გოლდფეინმა.
მან ასევე ხაზი გაუსვა, რომ ეხლა აშშ-სთვის აუცილებელია დაიკავოს ლიდერის პოზიცია კოსმოსურ სივრცეში და გააძლიეროს ამერიკული არმია.
უკვე 2018 წელს პენტაგონი გამოყოფს პროგრამისთვის 7,7 მილიარდ დოლარს, ხოლო მომავალი წლიდან თანხას 8,5 მილიარდ დოლარამდე გაზრდის.
აღსანიშნავია, რომ კოსმოსის მილიტარიზაცია 1967 წლის საერთაშორისო ხელშეკრულების თანახმად აკრძალულია. ინფორმაციას ამის შესახებ „Space News“- ი ავრცელებს.
