საჭიროა საჩქარო გამოძიების ჩატარება მისი [არჩილ ტატუნაშვილის] გარდაცვალების გარემოებების და მომხდარზე პასუხისმგებლობის დასადგენად, - ამის შესახებ ევროსაბჭოს კონგრესის პრეზიდენტმა განაცხადა.
როგორც გუდრუნ მოსლერ-ტორსტრომი აღნიშნავს, აუცილებლად უნდა გათავისუფლდეს ის ორი ადამიანი, რომლებიც არჩილ ტატუნაშვილთან ერთად დააკავეს. მან აქვე ტატუნაშვილის ოჯახს მიუსამძიმრა.
შეგახსენებთ, 22 თებერვალს, ცხინვალის საოკუპაციო რეჟიმმა საქართველოს 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი ახალგორში დააკავა. 23 თებერვალს კი გავრცელდა ინფორმაცია, რომ არჩილ ტატუნაშვილი გაურკვეველ ვითარებაში გარდაიცვალა.
