საფრანგეთის დედაქალაქის 50 თანამდებობის პირი მთელ ღამეს, ძლიერი ყინვის შემთხვევაშიც, ქუჩაში გაატარებს, რათა უსახლკაროდ დარჩენილებს ყურადღება მიაქციონ.
აღსანიშნავია, რომ გასულ წელს 500-მდე უსახლკარო ადამიანი გარდაიცვალა. 2018 წელს, მხოლოდ პარიზში, უკვე 13.
თებერვლის შუა რიცხვებში პარიზში ჩატარდა „სოლიდარობის ღამე“, რომლის დროსაც მოხდა უსახლკაროების აღრიცხვა. აქციის ორგანიზატორების მონაცემებზე გაყრდნობით პარიზში ქუჩებში აღირიცხა დაახლოებით ხუთი ათასამდე უსახლკარო. ნაწილი ზამთარში გადაიგზავნება თავშესაფარში. მათგან სამი ათასს არ გააჩნია არანაირი თავშსაფარი, მათ შორის არც დროებითი.
27 თებერვალი საფრანგეთში ყველაზე ცივ დღედ გამოცხადდა მთელი ზამთრის განმავლობაში. ანტიციკლონი, რომელსაც „მოსკოვი-პარიზი“ უწოდეს, აგრძელებს ჰაერის გაცივებას წინა კვირის ბოლოდან მოყოლებული. ზოგ რეგიონში ტემპერატურა უჩვეულოდ დაბლა დაეცა. ბოლო რამდენიმე დღის მანძილზე სიცივისგან სულ მცირე სამი მიუსაფარი ადამიანი გარდაიცვალა.
