ჰაერში მავნე ნივთიერებების კონცენტრაციის მომატების პერიოდში, ბრიუსელში საზოგადოებრივი ტრანსპორტით უფასო იქნება. The Brussels Time-ის ინფორმაციით, საგანგებო წესები ბრიუსელის რეგიონულმა მთავრობამ უკვე დაამტკიცა.
გადაწყვეტილების თანახმად, საზოგადოებრივი ტრანსპორტი (მეტრო, ტრამვაი, ავტობუსი და ველოსიპედების გაქირავების სისტემა) უფასო გახდება, იმ პერიოდში, როდესაც ჰაერში მავნე ნივთიერებების კონცენტრაცია 24-საათიან პერიოდში ერთ კუბურ მეტრში 51-დან 70 მილიგრამამდე მიაღწევს.
ამას გარდა, შეიზღუდება ტრანსპორტის სიჩქარე და შეშის გამოყენება შესაძლებელი იქნება მხოლოდ იმ შემთხვევაში, თუ იგი გათბობის ერთადერთი საშუალებაა.
ჰაერის დაბინძურების დონის შემოწმება მოქალაქეებს შეუძლიათ სპეციალურ ვებგვერდზე და მობილური აპლიკაციის საშუალებით.
