აშშ-ში, ფლორიდის შტატის პარკლანდის სკოლაში სროლის შედეგად, სულ მცირე 17 ადამიანი დაიღუპა, ხოლო 20-მდე დაშავდა.
სამართალდამცავების ინფორმაციით, სროლაში ეჭვმიტანილი დაკავებულია და, სავარაუდოდ, ის მარტო მოქმედებდა. ფლორიდის დემოკრატმა სენატორმა, ბილ ნელსონმა ტელეკომპანია NBC-ს უთხრა, რომ ინციდენტს რამდენიმე ადამიანი ემსხვერპლა.
BBC-ის ცნობით, ცეცხლი ავტომატიდან 19 წლის მამაკაცმა გახსნა. ის სკოლის ყოფილი მოსწავლე ნიკოლას კრუზია. კრუზი სკოლიდან "დისციპლინური მიზეზის" გამო გარიცხეს.
