საქართველოს ექს-პრეზიდენტმა და უკრაინის ოდესის ოლქის ექს-გუბერნატორმა მიხეილ სააკაშვილმა ექსკლუზიური ინტერვიუ მისცა რუსეთის ტელეკომპანია «Дождь»-ის კორესპონდენტს პეტრე რუზავინს კიევში.
გთავაზობთ ამონარიდებს ინტერვიუდან:
,რასაკვირველიუა მე მსურს ისტორიაში თანამედროვე უკრაინის ერთ-ერთი შემქმნელის სახელით შევიდე. მე ხომ საქართველოს სახელმწიფოს შემქმნელიც ვარ. ვფიქრობ, ამ სურვილში არაფერი დასაძრახი არ არის. მე არ ვიქნები უკრაინის პრეზიდენტი, მაგრამ, მაგალითად, ხომ ცნობილია, რომ ამერიკის შეერთებულ შტატებს რამდენიმე მამა-დამფუძნებელი ჰყავდა და მათგან ყველა პრეზიდენტი არ ყოფილა, თუმცა ისინი ისტორიაში დარჩნენ. ასევეა ჩემს მიმართაც. მე მინდა ამ ყველაფრის, ანუ უკრაინის წარმატების ნაწილი ვიყო“.
„ჩემი სტანდარტებით, ყველაფერი, რაც დღეს უკრაინაში გაგვიკეთებია, უკიდურესად წარუმატებელია, თუმცა იმ სტანდარტით, რომლებსაც უკრაინელები მიეჩვივნენ, ეს ყველაზე ცუდი ვარიანტი არ არის. ოდესის გუბერნატორად წასვლა არავის არ უნდოდა, პეტრო პოროშენკომ ხუთ ადამიანს შესთავაზა, მაგრამ ყველამ უარი თქვა“.
„თუ უკრაინის ხელისუფლება ჩემს ექსტრადირებას განახორციელებს, მას უკრაინელი ხალხი დაამხობს. უკრაინელები ძალიან მგრძნობიარე ადამიანები არიან უსამართლობის მიმართ... როცა მე საპყრობილეში ვიჯექი, ქუჩაში, კრეშჩატიკზე, [ჩემთვის სოლიდარობის გამოხატვის მიზნით], 60 ათასი კაცი გამოვიდა. ეს ძალიან ბევრია ერთი ადამიანისათვის. არასდროს ამდენი ხალხი არ გამოსულა უკრაინაში ერთი ადამიანის მხარდასაჭერად. რაღაც მსგავსი მხოლოდ გიორგი ღონღაძისა და ლეონიდ კუჩმას დროს მოხდა... და თუ ჩემს ექსტრადირებას მოახდენს, უკრაინის ხელისუფლება მიიღებს არა 60 ათასს, არამედ ნახევარ მილიონ პროტესტანტს, რომლებიც მთავრობას, უბრალოდ, დაამხობენ“.
