მალდივის რესპუბლიკის ყოფილი პრეზიდენტი დააკავეს. ადგილობრივი მედიის ცნობით, აბდულა იამინ აბდულ გაიუმი ქვეყანაში საგანგებო მდგომარეობის გამოცხადებიდან ერთ საათში პოლიციამ აიყვანა.
გაიუმი, რომელიც ახლანდელი პრეზიდენტის, აბდულა იამინის ნახევარძმაა, ქვეყანას 2008 წლამდე, 30 წლის განმავლობაში მართავდა.
მალდივის კუნძულებზე არეულობა მას შემდეგ დაიწყო, რაც ქვეყნის უზენაესმა სასამართლომ დაპატიმრებული პოლიტიკური ლიდერების დაუყოვნებლივ გათავისუფლების შესახებ გადაწყვეტილება მიიღო. სასამართლომ თვითგამოცხადებული ყოფილი პრეზიდენტის, მუჰამედ ნაშიდის გათავისუფლებაც მოითხოვა.
მალდივის კუნძულებზე საგანგებო მდგომარეობა 15 დღის განმავლობაში გაგრძელდება.
