მიხეილ სააკაშვილის ადვოკატ რუსლან ჩერნოლუცკის განცხადებით, სასამართლოს დღევანდელი გადაწყვეტილება ხელისუფლებას ექსტრადიციის საფუძველს აძლევს.
,,ეს გადაწყვეტილება ხელისუფლებას ქვეყნიდან სააკაშვილის შესაძლო უკანონო გაძევების და შესაძლო უკანონო ექსტრადიციის“გეგმების რეალიზების ბევრ საფუძველს აძლევს”, - თქვა ადვოკატმა და დასძინა, რომ აღნიშნული გადაწყვეტილება საკასაციო წესით იქნება გასაჩივრებული.
„ჩვენ ამ გადაწყვეტილებას საკასაციო წესით გავასაჩივრებთ. თუ იქ ჩვენს პოზიციას არ გაიზიარებენ, ჩვენ გავაგრძელებთ სააკაშვილის ინტერესების დაცვას. არსებობს კიდევ ევროპული ინსტანციები“, - განაცხადა რუსლან ჩერნოლუცკიმ.
დღევანდელ გადაწყვეტილებას ეხმიანება მიხეილ სააკაშვილიც.
“ამგვარად მე ვკარგავ უკრაინაში ყოფნის სტატუსს. ეს პოროშენკოს მორიგი გადაწყვეტილებაა და არა სასამართლოს”,- წერს სააკაშვილი facebook – ის გვერდზე.
კიევის სააპელაციო ადმინისტრაციულმა სასამართლომ უკრაინის საიმიგრაციო სამსახურის წინააღმდეგ მიხეილ სააკაშვილის საჩივარი არ დააკმაყოფილა. სააკაშვილის დაცვის მხარე ასაჩივრებდა პირველი ინსტანციის სასამართლოს გადაწყვეტილებას მისთვის დამატებითი დაცვის საჭიროების მქონე პირის სტატუსის მინიჭებაზე უარის შესახებ.
