სირიაში, რუსული მოიერიშე ,,სუ25“-ის კლასის სამხედრო თვითმფრინავი ჩამოაგდეს. შემთხვევა იდლიბის პროვინციაში მოხდა.
რუსი სამხედრო მაღალჩინოსნების ინფორმაციით, საზენიტო-სარაკეტო კომპლექსიდან მას იმ დროს ესროლეს, როდესაც თვითმფრინავი დეესკალაციის ზონის პატრულირებას ახდენდა.
იერიშს პილოტი გადაურჩა. მან კატაპულტირება შეძლო, თუმცა, დაშვების შემდეგ მებრძოლებთან შეტაკების შედეგად დაიღუპა.
მომხდარზე პასუხისმგებლობა დაჯგუფება ,,ჯებხათ ან ნუსრამ” აიღო.
თვითმფრინავის ჩამოგდების შემდეგ რუსმა სამხედრორბმა დაჯგუფების მიერ კონტროლირებადი ტერუტირია დაბომბა. სამხედრო მეთაურობაში აცხადებენ, რომ წერტილოვანი დარტყმების შემდეგად 30 მებრძოლია ლიკვიდირებული.
