აშშ-ის პრეზიდენტი დონალდ ტრამპი სირიაში მორიგი ქიმიური თავდასხმების აღსაკვეთად სამხედრო ძალის გამოყენებისთვის მზად არის, – ამის შესახებ ინფორმაციას სააგენტო „Reuters“-ი ავრცელებს. გამოცემა ამერიკელ მაღალჩინოსნებზე დაყრდნობით წერს, რომ აშშ-ის ხელისუფლების ვარაუდით, რუსეთ-ამერიკის შეთანხმების მიუხედავად, რომელიც დამასკოს 2014 წლის ზაფხულისთვის მარაგის მთლიანად განადგურებას ავალდებულებდა, პრეზიდენტმა ბაშარ ასადმა ქიმიური იარაღის მარაგის ნაწილი არამხოლოდ შეინარჩუნა, არამედ მის შემუშავებასაც განაგრძობს.
2018 წლის იანვარში, ოპოზიციონერი ძალების მიერ კონტროლირებად აღმოსავლეთ გუტაში, ქიმიური იარაღის გამოყენების, სავარაუდოდ, კიდევ ერთი შემთხვევა დაფიქსირდა. უფლებადამცველი ორგანიზაციები პასუხისმგებლობას ასადის რეჟიმს აკისრებენ.
