სამხრეთ აფრიკაში ოქროს მაღაროში ჩარჩენილი 955 მაღაროელის გადასარჩენად სამაშველო ოპერაცია იწყება. ,,ბიბისის” ინფორმაციით, ოქროს მაძიებლები 1000 მეტრის სიღრმეზე უკვე 2 დღეა იმყოფებიან, მას შემდეგ რაც შტორმის გამო, მიმდებარე ტერიტორიაზე არსებული მაღალი ძაბვის ელექტროანძა დაზიანდა. შედეგად, ელექტროენერგიის მიწოდება შეუწყდა ლიფტს, რომლითაც მაღაროელები სარგებლობდნენ.
გენერატორით სათადარიგო დენის წყაროს შეერთება კი ვერ მოხერხდა. ელექტროენერგიის მიწოდების აღდგენას დღეისთვის ელოდებიან.
