თურქეთის შეიარაღებული ძალების გენერალური შტაბის ინფორმაციით, სირიის ჩრდილოეთ ნაწილში სამხედრო ოპერაციის - ,,ზეთისხილის რტო“ ფარგლებში 790 ქურთი მებრძოლი და ჯიჰადისტი განეიტრალდა.
უწყების ცნობით, ქურთული სამხედრო შენაერთები თურქეთის ჰატაის პროვინციაში მშვიდობიან მოსახლეობას რაკეტებით ბომბავენ. თურქეთმა სირიის ჩრდილოეთით აფრინისა და აზაზის პროვინციებში სამხედრო ოპერაცია 20 იანვარს დაიწყო, რომელიც სასაზღვრო ზონაში ტერორისტული საფრთხის განეიტრალებას ისახავს მიზნად.
ქურთული საინფორმაციო სააგენტოები წერენ, რომ თურქეთის საჰაერო და საარტილერიო დაბომბვების შედეგად დაღუპულთა უმრავლესობა ქალი და ბავშვია.
