ხუთი ადამიანი დაიღუპა და 39 დაშავდა ტერაქტის შედეგად ლტოლვილების ბანაკში, ნიგერიაში. ინციდენტი ქალაქ დალორიში მოხდა.
თვითმკველელი ტერორისტი ქალი ბანაკის ტერიტორიაზე შეიჭრა და ასაფეთქებელი მოწყობილობა აამოქმედა, რამაც მის გარდა ხუთი ადამიანი იმსხვერპლა. მეორე თვითმკვლელმა ქალმა კი თავი საცხოვრებელ შენობასთან აიფეთქა.
გავრცელებული ინფორმაციით, მეორე აფეთქებას მსხვერპლი არ მოყოლია.
ხელისუფლება ვარაუდობს, რომ თავდასხმა „ბოკო ჰარამის“ ტერორისტებმა მოახდინეს.
