კატალონიის ყოფილი ლიდერი აცხადებს, რომ თანაპარტიელებმა გაყიდეს. საგანგებო განცხადება ქვეყნიდან გაქცეულმა კარლეს პუჩდემონმა ბრიუსელში გააკეთა.
„ ესპანეთის ხელისუფლების გეგმა სრულდება. ისინი იმარჯვებენ, რადგანაც თანაპარტიელებმა მსხვერპლად შემწირეს. იმედი მაქვს, ამის სანაცვლოდ მადრიდი ციხეებიდან ჩემს ყოფილ თანაგუნდელებს გამოუშვებს. თუ ასე არ მოხდება, ეს მწარე დაცინვა იქნება,“-აღნიშნა პუჩდემონმა.
კატალონიის პარლამენტს პუჩდემონის კანდიდატურა ჟენერალიტეტის პრეზიდენტის პოსტზე გუშინ უნდა დაემტკიცებინა, თუმცა სხდომაზე მხოლოდ მისი 4 თანაგუნდელი მივიდა.
