საფრანგეთის ჯანდაცვის სამინისტროსთან მედდების პროფკავშირის ორგანიზებით საპროტესტო აქცია გაიმართა. აქციის მონაწილეები აცხადებენ, რომ პერსონალის დეფიციტის გამო პაციენტების ადეკვატურად მოვლა უჭირთ. მათივე თქმით, მკაცრად განსაზღვრული წუთები მათ პაციენტებისთვის ჰიგიენური პროცედურების ჩასატარებლადაც არ ჰყოფნით. ზოგიერთი პაციენტი კი სიმარტოვის გამო ფსიქოლოგიურ მხარდაჭერასაც საჭიროებს. ჯანდაცვის სამინისტროს წარმომადგენლები პროფკავშირის დელეგაციას შეხვდნენ და მედდების რაოდენობის გაზრდის მიზნით ბიუჯეტიდან დამატებით 100 მილიონი ევროს გამოყოფას დაჰპირდნენ.
