კიევის სააპელაციო სასამართლომ პროკურორების აცილების შესახებ საქართველოს ყოფილი პრეზიდენტის მიხეილ სააკაშვილის დაცვის მხარის მოთხოვნა არ დააკმაყოფილა.
“მოსამართლეთა კოლეგია მივიდა დასკვნამდე, რომ ადვოკატების განცხადებაში აცილების საფუძველი არ არსებობს. შესაბამისად, სასამართლომ გადაწყვიტა უარი ეთქვას ადვოკატების განცხადებას პროკურორების აცილების შესახებ“, - УНН -ის ინფორმაციით, ამის შესახებ ნათქვამია სასამართლოს დადგენილებაში
სააკაშვილის უფლებადამცველები აცხადებენ, რომ უკრაინის ოპოზიციის ერთ-ერთი ლიდერის წინააღმდეგ აღძრული საქმე გენერალური პროკურატურის მიერაა შეთითხნილი.
კიევის სააპელაციო სასამართლოში მიხეილ სააკაშვილის უკრაინის ტერიტორიაზე ლეგალურად დარჩენის საკითხზე 22 იანვარს სხდომა გადაწყვეტილების გამოცხადების გარეშე დასრულდა. კიევის სააპელაციო სასამართლომ მიხეილ სააკაშვილის დაცვის მხარის შუამდგომლობა მოსამართლეთა კოლეგიის აცილების შესახებ ნაწილობრივ დააკმაყოფილა და განსახილველად საკასაციო სასამართლოს გადასცა.
