გერმანელი პოლიტიკოსების ნაწილი მთავრობას მოუწოდებს თურქეთში სამხედრო ტექნიკის ექსპორტზე უარი თქვას. განცხადება მედიაში გავრცელებული ინფორმაციის შემდეგ გაკეთდა. აღმოჩნდა, რომ სირიის ქალაქ აფრინში ქურთების წინააღმდეგ ბრძოლაში თურქეთი გერმანულ ტანკებს იყენებს. „ლეოპარდის“ ტიპის ტანკები გერჰარდ შრიოდერის კანცლერობის დროს ჩამოფასებული ღირებულებით გაიყიდა.
