ბელარუსში ოპოზიციის საიტი “ქარტია 97„ დაბლოკეს. ინფორმაციას ბელარუსის ჟურნალისტთა ასოციაცია აქვეყნებს. მედიის წარმომადგენლების განცხადებით, საიტის დაბლოკვის გადაწყვეტილება ბელარუსის ინფორმაციის სამინისტრომ მიიღო. უწყებას გადაწყვეტილების მიზეზი ჯერჯერობით არ განუმარტავს. საიტის დაბლოკვიდან მალევე „ ქარიტია 97-მა“ საგანგებო განცხადება გაავრცელა და მომხდარი სიტყვის თავისუფლების შეზღუდვად შეაფასა. ჟურნალისტები აცხადებენ, რომ საკუთარი უფლებების დაცვას საერთაშორისო დონეზე შეეცდებიან.
