თურქეთი ჩრდილოეთ სირიაში სამხედრო ოპერაციას არ შეზღუდავს. ამის შესახებ ქვეყნის პრეზიდენტმა რეჯეფ თაიფ ერდოღანმა განაცხადა.
„ოპერაცია ზეთისხილის რტოს დაწყებით, ჩვენ საშიში ძალა შევაჩერეთ, რომელიც ჩვენს რეგიონში ვითარების დესტაბილიზაციას ცდილობს. ჩვენს მოსაზღვრე ტერიტორიებს ტერორისტებისგან სრულად გავწმენდთ,“-აღნიშნა ერდოღანმა.
ოპერაცია ქურთული დაჯგუფებების წინააღმდეგ აფრინის რაიონში თურქეთმა გასულ კვირას დაიწყო.
