ერაყის საკანონმდებლო ორგანოს გადაწყვეტილებით, საპარლამენტო არჩევნები 12 მაისს გაიმართება. დეპუტატები შერჩეულ თარიღს მას შემდეგ დათანხმდნენ, რაც ფედერალურმა სასამართლომ არჩევნების გადავადება შეუძლებლად გამოაცხადა. ერაყის კონსტიტუციის თანახმად, საპარლამენტო არჩევნები მოქმედი პარლამენტის ვადის ამოწურვამდე, სულ მცირე, 45 დღით ადრე უნდა ჩატარდეს. 12 მაისს არჩევნების ჩატარების მომხრე იყო შიიტური პარტია, წინააღმდეგ კი სუნიტები გამოდიოდნენ.
