ბრიტანეთის გენერალური შტაბის უფროსმა, გენერალმა ნიკ კარტერმა რუსეთისგან მომდინარე საფრთხეებზე თავდაცვისა და უსაფრთხოების კვლევების ინსტიტუტში ისაუბრა. გენერალმა სამხედრო მაღალჩინოსნებსა და პოლიტიკოსებს თავდაცვის ხარჯების შეკვეცასთან დაკავშირებით თავისი შეშფოთება გაუზიარა. კარტერის თქმით, რუსულ საფრთხეებზე ბრიტანეთის რეაგირება სუსტი იქნება, თუ კი ეს საკითხი სერიოზულად არ გადაიხედება. „რუსეთი არ არის ათასობით კილომეტრის დაშორებით, ის ევროპის მიჯნაზეა. რუსეთმა შორ მანძილზე იერიშების მიტანის შესაძლებლობის დემონსტრირება მრავალ შემთხვევაში გამოავლინა, ოფიცრებს კი გამოცდილება სირიის კამპანიით შესძინა“-აღნიშნა კარტერმა.
