"ვადასტურებ, რომ პრეზიდენტ პოროშენკოსთან შეხვედრაზე ნამდვილად იყო რუსეთის წინააღმდეგ სანქციებზე საუბარი", - ამის შესახებ ფრაქცია "ქართული ოცნების" თავმჯდომარემ, მამუკა მდინარაძემ განაცხადა.
მდინარაძის შეფასებით, ამ საკითხზე ზოგადი პასუხის გაცემა არ შეიძლება, რადგან იქ არის ძალიან ბევრი დეტალი.
"ვადასტურებ, რომ პრეზიდენტ პოროშენკოსთან შეხვედრაზე ნამდვილად იყო ამაზე საუბარი. ჩვენი საუბრის ერთ-ერთი კომპონენტი ნამდვილად ეს იყო. პოროშენკომ გაახმოვანა ასეთი თხოვნა თუ მოწოდება. ჩვენ გვყავს ერთ-ერთი ყველაზე ახლო მეგობარი, სტრატეგიული პარტნიორი ქვეყანა - უკრაინა, ჩვენი ქვეყანა ყოველთვის გამოხატავდა უკრაინის მიმართ მხარდაჭერას და ამ შემთხვევაშიც ეს იქნება მთავარი ხაზი ჩვენი გადაწყვეტილების. ამასთან დაკავშირებით იქნება მსჯელობა დეტალებზე. ამ საკითხზე ზოგადი პასუხის გაცემა არ შეიძლება, რადგან იქ არის ძალიან ბევრი დეტალი და ამ პათოსს აუცილებლად გავახმოვანებთ. უკრაინა ჩვენი მეგობარი ქვეყანაა და საქართველოს ყველა ლეგიტიმურ საკითხთან დაკავშირებით აქვს მხარდაჭერა, ამის სურვილიც და ეს გამოიხატა ყველა წინა გადაწყვეტილებაშიც", - განაცხადა მდინარაძემ.
