თურქეთის შეიარაღებულმა ძალებმა სირიის თავისუფალი არმიის მხარდაჭერით 24 საათის განმავლობაში სირიის აფრინის რაიონებში ქურთების 11 პოზიცია დაიკავა. ამის შესახებ ანატოლიის ახალი ამბების სააგენტო იუწყება.
თურქმა სამხედროებმა ავიაციისა და ჯავშანტექნიკის დახმარებით დასახლებული პუნტქები, სასოფლო სამურნეო რაიონები და ნაგებოები დაიკავეს.
სირიის თავისუფალი არმიის მებრძოლებმა, რომლებიც სირიელი ქურთების წინააღმდეგ იბრძვიან, ადგილობრივი მოსახლეობისთვის ვიდეომიმართვა გაავრცელეს.
„თქვენ ჩვენი მეგობრები და ჩვენი ოჯახი ხართ. აქ იმისთვის ვართ, რომ ბოლო მოვუღოთ უსამართლო დევნას. ჩვენი მტერი - ქურთთა მუშათა პარტიაა“, - აღნიშნულია მიმართვაში.
თურქეთმა აფრინში ავიაერიშებისა და საარტილერიო დარტყმების გამოყენებით ოპერაცია შაბათს დაიწყო. კვირას ის სახმელეთო ფაზაში გადავიდა, რომელშიც ტანკები და სხვა ჯავშანტექნიკა მონაწილეობს.
