რუსეთის საგარეო უწყების ინფორმაციით, სერგეი ლავროვმა და რექს ტილერსონმა სატალეფონო საუბრისას სირიის ჩრდილოეთში არსებული ვითარება განიხილეს.
უწყების ცნობით, ლავროვი და ტილერსონი შეთანხმდნენ, რომ ეს პროცესი გაეროს შუამავლობით უნდა მიმდინარეობდეს. დიპლომატებმა ასევე იმსჯელეს სოჭში სირიის საკითხზე დაგეგმილი მოლაპარაკებების დღის წესრიგთან დაკავშირებით.
რუსეთის ინიციატივით, სირიის მთავრობისა და ოპოზიციის წარმომადგენლობის მონაწილეობით კონგრესის გამართვა იანვრის ბოლოს, სოჭშია დაგეგმილი.
თურქეთმა აშშ-ის მიერ მხარდაჭერილი ქურთული ძალების პოზიციებზე საჰაერო თავდასხმა კვირას განახორციელა. სირიაში, ქალაქ აფრინთან ოპერაცია სახელწოდებით "ზეთისხილის რტო" შემუშავდა.
თურქეთის პრემიერმინისტრის განცხადებით საჰაერო დარტყმები ოპერაციის პირველი ფაზა იყო და მას საარტილერიო ცეცხლი მოჰყვება. განცხადების მიხედვით საჰაერო თავდასხმებმა 108 სამიზნე გაანადგურა, მათ შორის იარაღის საწყობები. სირიის დემოკრატიული ძალების განცხადებით დაიღუპა 6 მშვიდობიანი მოქალაქე და 3 მებრძოლი, რაზეც პასუხისმგებლობას თურქეთთან ერთად რუსეთსაც ეკისრება, რომელმაც ტერიტორიიდან ჯარები გაიყვანა. ისინი ბაშარ ასადის მიერ კონტროლირებად ნიუბილისა და ზაჰრის რაიონებში ეტაპობრივად გადადიან.
მანამდე, რექს ტილერსონმა ოფიციალურ ანკარას ურჩია, რომ სირიაში ქურთი მებრძოლების წინააღმდეგ ოპერაცია არ დაიწყოს და ძალისხმევა ისლამური სახელმწიფოს განადგურებაზე მიმართოს.
