რუსეთის საკონსტიტუციო სასამართლომ ალექსეი ნავალნის საჩივრის განხილვაზე უარი თქვა. ოპოზიციონერი პოლიტიკოსი ფედერალურ საარჩევნო კანონში არსებული მუხლის გაუქმებას მოითხოვდა, რომელიც ნასამართლეობის მქონე პირებს საპრეზიდენტო არჩევნებში მონაწილეობას უკრძალავს. საპრეზიდენტო არჩევნებში კანდიდატად დარეგისტრირებაზე ნავალნის უარი სწორედ ამ მოტივით უთხრეს. პარალელურად, სამართალდამცველებმა სანქტ-პეტერბურგში ალექსეი ნავალნის ორგანიზაციის ოფისები გაჩხრიკეს.
