უკრაინის უმაღლესი რადის მიერ მიღებულ დონბასის რეინტეგრაციის კანონს პრეზიდენტი პოროშენკო აფასებს.
„ეს არის გადამწყვეტი სიგნალი დონბასისა და ყირიმისთვის, რომელიც დღეს რადამ ჩემი ინიციატივით მიიღო. ეს რეგიონები უკრაინის განუყოფელი ნაწილია. ჩვენ გავაგრძელებთ უკრაინის ოკუპირებული მიწების რეინტეგრაციას დიპლომატიური გზით“-აღნიშნა პოროშენკომ.
უკრაინის უმაღლესმა რადამ დონბასის რეინტეგრაციის კანონპროექტი დღეს მიიღო. დოკუმენტს მხარი 280-მა დეპუტატმა დაუჭირა, წინააღმდეგ კი ხმა 266-მა მისცა.
პარლამენტის მიერ დამტკიცებული დოკუმენტი ხელმოსაწერად პრეზიდენტს გადაეგზავნება. დონბასის რეინტეგრაციის კანონი დონბასის ოკუპირებულ ტერიტორიად გამოცხადებას გულისხმობს, რუსეთი კი აგრესორ ქვეყნად არის მოხსენიებული.
